Posted on

急救急先鋒

學急救的原因,不是為了做義務急救員,而是想到萬一出事仲有我頂住。雖然幾年前上過急救入門和心肺復甦(CPR)課程,但呢個唔係正式認可嘅急救證明。見到老豆因職位關係投考也成功,我估唔算難啩,不過為咗家事係咁拖。直到St. John 開辦eLearning版急救入門,這大大方便我隨時隨地上課。點解報St. John 唔報紅十字?因為老豆當時考St. John 囉。

雖然可以用電腦或手機上堂,但都要親身上兩節Practical,即包紮和CPR,結果上頭一堂頭都暈埋,一口氣記熟十四種包法,尤其我紥結零蛋,三角和大手褂包到錯晒,跟住繃帶捲法有特定要求,勉強包住傷口卻被評包得肉酸,結果被導師痛罵得好厲害。

落課後超級累,但怕唔記得,在巴士度急不及待溫番重點,怎料第二波疫情關係,機構宣佈無限期停課,當然考試無期。於是我繼續WFH,湊豚豚,落街買餸,搶口罩……

全日Training,焗住走到纜車站附近Cafe食Lunch,好彩好少人

兩個月後,疫情緩和,課堂和考試重開,又再溫番書啦。所有同學仔能回到班房上堂,實屬萬幸。

包紥真係堅難,因為容易記錯做法,例如肩懸帶和臂懸帶的打結位置。趁豚豚瞓覺叫太太扮傷者比摯五花大綁,有時拿著馬騮公仔練習,勉強包到手,至於腳就自己綁自己。

考試當日我真係抽中好籌,淨係做手掌⻣折和腳跟受傷,至於CPR當然沒問題,可是筆試真係無乜把握囉。雖然答啱18題就可以過關,但是我只有10題確定答對。

BTW,交左卷就算啦,就算肥左仍有一技傍身,只是這項技術希望唔好用得著。