對比其它BB，豚豚比其他人遲左加固，不過聽得太多食物敏感嘅例子，一向進取也要保守。
在五個月左右，豚豚開對桌上晚餐有興趣，懂得擺嘢落口咬嘢，開始實行加固。佢第一次吃嘅食物是即溶米糊，趁佢未肚餓比佢Lam幾啖學下點樣食嘢，之後吃番奶。然後睇佢情況慢慢加入不同嘅食物，以及增加份量，直到加固一餐可以代替一餐奶，就完成了。
寫Program加LOG方便睇ERROR，豚豚飲食情況也會LOG低，Mark低時間食過咩嘢以及份量，一旦身體有事，可以追查來源。未食過嘅食物盡量安排至少連續兩天吃，特別係容易引起敏感嘅食物，一旦身體有反應就加倍留意。書仔話可以BB六個月大可以食蛋黃，我直到八個月大才比佢試初生蛋（Tip: 為免入口太乾，溝少少水），結果Pass。
一般情況下，我地比什麼豚豚食都照食，不過佢唔肯坐好耐，食到中途要𢭃佢玩，才肯勉強留在BB櫈度食。起初以及佢無耐性，餵餵下發現嘢食才是根源，甜甜的南瓜粥和蘋果會搶住食，若只有節瓜和豬肉則唔想食，可是BB必須先吃原味嘛，調味或煮食加油對佢腸胃不好嘛。於是我們就要捨得買，我地吃街市嘅七蚊一件冬瓜，佢就食廿蚊一個有機小冬瓜囉。邊度買？每星期日朝早去藍地農墟買囉。
婚後每天努力煮飯除左慳錢之外，還是為左加固做準備，雖然只有蒸和灼兩種，但是準備和事後工作頗繁複，還要在豚豚嚷我地之前完成。洗菜要分好我吃和豚豚吃的，切肉切到咁細粒需要練習囉。
BTW，豚豚幾時出牙仔呢？
