病毒共存兩周記

3月8日 星期二

我感到喉嚨微痛,沖涼嗰陣打冷震,然後喉嚨痛,間中有低燒,於是開始食感冒藥。

3月9日 星期三

日頭幫豚豚配定藥傍身,經過街市無人開檔

除咗以上徵狀,精神還好,依舊工作,還自拍短片叫人加油。好唔好拗底唔做,都係唔好。

3月10日 星期四

檢測棒呈示兩條線,我必須向公司和政府申報了。中咗無乜特別唔開心,因為病菌有手有腳,就算我足不出戶,也會無意間走到我身邊,不用道歉的,我地已經盡咗力,惟有休息吓……我仲返緊工。

星期日下午商場也是少人到得人驚

3月11日 星期五

感覺Just a flu,不過未至於做妲己嘅,我仲可以幫手湊豚豚。直到下午收到政府電話告知被抽中做核酸測試,難道我要去隔離嗎?

太太比我早一星期中招,同我地唔同呈現肚痛,不過沒有腹瀉。辛苦得嚷著看醫生,惟有打電話BOOK政府指定診所。我算好彩,打咗半個鐘電話就有真人接聽約期,BOOK埋抗疫的士就萬事俱備。

上網BOOK定的士,出發前半個鐘收到司機電話CONFIRM

3月12日 星期六

太太乘搭的士睇醫生,很快速遞員上門派樣本瓶讓我交功課。沒多久太太回家,醫生話中咗招肚痛也是病徵之一,還是開咗消炎止痛藥止住咳囉。

3月13日 星期日

晚上忽然有人按門鈴,以為捉我去隔離,開門發現外面沒有人,從𨋢口聽到某人話是派政府的禮物,辛苦你們了。Compare太太嗰份分別多咗血氧計和連花清瘟膠囊,不過對我嚟講成份禮物無乜用,因為早已有齊呢D物資。

居住大廈只會公佈有單位中招,但是隔離鄰舍出入嘅時候見到我家大閘掛住一袋二袋「禮物」或親友嘅湯水及餸菜,佢地點諗呢?

3月14-17日 星期一至四

所有長輩情況都係Just a flu,我和太太放心決定本周輪流湊豚和入房WFH,倘若是但一個要開公司大會則另一位請AL頂更,然後趁豚豚睡覺補鐘追PROJECT進度。豚豚沒事嗎?其實上星期日佢發燒,胃口轉差(應該喉嚨痛),幸好佢乖乖食藥和飲水,捱過四日好番晒,最驚佢有手尾跟啫。我有用過快速測試包比佢口探測試,結果陰性。

幾鍾意睇蔡思韵

3月18日 星期五

仍是兩條線,太太唔駛七日就轉陰而我繼續陽性,唉!不過你見到T線顏色淺咗(下圖),繼續半隔離生活。吃晚飯時苦惱緊周末嘅餸,無意中看到小薯茄新片,講長崎旅行食過嘅檸檬牛扒……好想去旅行。

940920大結局了。

3月19日 星期六

終於呈現一條線,我繼續留在家中湊豚,太太出門買餸。是日晚餐我真係整咗檸檬牛扒,又真係好易整和好好食。牛扒早前買嘅,唔駛跟小薯茄買和牛,普通嘅牛小扒就可以煮得好好食。

3月20日 星期日

測試棒只呈示一條線,Confirm陰性了。我可以出門,其實都係補物資和餸菜為主,還整咗上海烤麩,真係好好食,好食到阿爸阿媽特登買多包金針和花生比我炆多一次。其實我睇《今餐有料到》學囉。