全靠圖書館，我才能應付豚豚晚間睇書嘅需求。家陣疫情閉館，一停停咗兩個月，屋企狂Loop現有嘅書也不夠用，好彩親戚割愛送一大套仍好新淨嘅英文書，叫做頂住。

通常豚豚睇書看吓封面，轉吓封底，揭咗幾頁，又合埋本書……持續重覆數次，佢也會篤篤硬本書或布書嘅機關。我哋唔知道佢睇到D乜，總之比佢平靜番心情準備瞓覺。

而家比豚豚睇硬書或薄薄地嘅膠面書最理想，佢容易揭到書，我哋又容易打理。佢暫時未識得愛護書本，暫時唔會比紙本書由佢一個人睇。不過好多硬書都係直接教ABC，123和日常生活嘅生字，故仔書真係好少，難怪無人捨得比毛毛蟲我哋睇。

我送過毛毛蟲中文版比朋友（有充氣圓筒送），然後最近忍唔住買咗英文版，睇完我覺得真心堅正。Eric Carle 描述令人厭惡嘅毛毛蟲嘅成長過程，期間講吓條蟲每日食咗好多嘢（一啖啫），攪到食滯咗，之後成蛹變蝴蝶啦。呢條毛毛蟲個樣不會令人討厭，變蛹嗰樣好似一舊屎，已經比佢知好多嘢，生果、甜品、星期幾，以及成長過程等等，重點係本書唔駛一百蚊囉。

還有一本書也好想Share，佢可以配Apps 用，不過重點唔係呢度，留番下篇講講。