豚豚半歲無寫近況,八個月大才寫。

其實早就計劃寫餵奶,結果寫來寫去寫唔好,所以改寫睡覺,結果我寫到睡左覺。

BB自己學識瞓覺,應該其中一個大難題,長輩們覺得最好安撫到BB瞓著為止,我地覺得日日咁做唔係辦法,因為半夜喊醒嘅話,有人就要呵佢瞓番為止!試下跟衛生署的書仔做法,臨瞓前順序餵完奶刷過牙洗完臉換埋片,然後放豚豚落床播安眠音樂。此時當然不是關房門唔理佢,而是安排一個人在旁邊看著佢瞓,直到瞓著為止。

初時豚豚喊到拆天,因為無人理佢,惻隱之心之下我地擔心佢,忍唔住會看下佢,佢喊到累就會瞓著。曾經試過放公仔在豚豚旁邊,或是換另外一張床,甚至臨瞓前放電,但都係會喊。喊有唔同情形,撒嬌嗰種喊多數無眼淚,只要佢安全嘅話可以唔駛理佢,不過受驚嘅喊或是喊到很熱就要呵呵佢,拍拍佢,抱抱佢,等佢定定神再重新放上床。我們不能在佢瞓著才放落張床,無幾耐佢會再喊過。

那麼豚豚會唔會憎我地?無論發生咩事,第二朝佢瞓醒總會對住我地笑囉。

其實我地陪豚豚瞓覺嗰陣,成日睇健康院派嘅書仔,內容當然不及坊間出版嘅書咁吸引,不過唔會寫錯嘢嘅,適唔適合睇個人(尤其係加固,另文詳述)。始終BB反應慢,那些方法真係要試幾次先至有一點成效。

好了,要瞓覺啦。