對我嚟講，游蛙式同埋自由式，感覺等於慢跑3K同埋間歇跑400米。我想用自由式當慢跑咁游，所以參加咗康文署捷泳三階，希望理順條氣。
或者我哋本身識游，教練只係第一堂講咗動作要點，之後無再教新嘢囉。所有堂都係由我哋做熱身、踢水、抱水及重溫，每組各做三輪。你話教練份工幾好做哩，咁佢喺岸邊睇住嘅，見到我做得唔好會提點吓。
踢水慢係死症，鬼叫我唔夠女同學輕咩，總之用臗關節帶動啦。
抱水真係有好多改善空間，唔抱真係有好大分別。插水的位置，以及將撥手速度降低，可以慳到唔少氣，仲好舒服。於是慢慢咁練習，最近可以連續游到100米。
最終教練無教轉身和跳水，講真平時我游水好少做呢啲嘢，只不過我想游得型啲咁解啫。
