暑氣賞蝶

十幾年前的某個暑熱天，你約我去鳯園影蝴蝶，我特登買咗支微距鏡頭，然後喺你面前示範點樣用。

你初頭驚驚青青以為部入門單反影唔到，結果影完張相，帶著十級驚喜係咁話：「張相好利（銳利）。」

而家我哋做咗夫妻，你再約我去鳳園。發現一切大不同，映入眼簾竟是豪宅，身邊多咗一位少少熱就we wa 鬼叫嘅阿女，相機變咗部無反以及一支tele。影完之後，我還是覺得帶番單反配嗰支微距鏡頭，因為用tele對焦慢太多啦。

當然我會帶埋阿女去，佢可以睇晒真嘅蝴蝶各形態，又可以玩相機。怕熱啫，有嘢玩就得啦。