學游水唔係細路嘅專利，大人都可以從零開始學。可能你哋怕水、怕身材唔好、怕學唔好等等。
其實我怕啲人知我咁大個仲學游水，所以第一堂在池邊等水試（用任何泳式游50m），覺得好鬼Kam，明明夏天夜晚又好涼。不過好快就無咗呢種感覺，因為全班同學都係同路人：本身識游水，但想學多一種泳式，當然有啲同學因為上次學唔成重新再學。
蝶式真係難，因為它唔似自由式或蛙式咁游，它需要靠肩膊及上胸擺手去水，腰部擺動前進。女同學嘅身體構造比較容易掌握，相反我嘅腰硬，下半身又重，打水好辛苦，又成日做錯咗蛙腳。後來發現蝶手幫到我自然地做蝶腳。配合教練嘅指導，課後不斷練習，終於成功游一次五十米直池。
游蝶式好有型，但好Q嘥氣㗎。
由於我需要照顧病倒嘅豚豚，沒法參與最後一堂嘅終極測試。雖然分數唔會影響我日後報course，但未能完滿比較可惜。或者教練早已看過我游50米，所以紀錄上都俾我「通過」囉。
學習嘅過程，發現游水有好多種變化，唔係淨係有幾十轉追速度。我可以夾住浮板游水，或者可以用蛙腳蝶手，或是游背蛙比肌肉休息。
學識咗蝶式之後，我想
1. 用自由式好似游蛙式咁樣持久地游
2. 背泳，咁就儲齊游泳四式