豚豚去年暑假參加泳班，其實有點早，因為身體協調同埋理解能力未夠成熟。不過既然佢想試，咁就比佢試。
諗番起我升小三時暑假第一次學游水，跟隔離鄰舍細路一齊學。當時一班40幾人學自由式，佢哋游緊自由式，我先敢把頭潛於水裡。結果水試肥佬，佢哋學一次就合格，忍到返到屋企大哭一場。
我直到升小五，喺阿媽鼓勵之下先至敢挑戰第二次，呢次學蛙式比較簡單，小班教學，加上老師好靚女，所以成功學識咗。豚豚同我一樣，第一次學都係失敗收場，今年佢有決心重新再學，收成正果，而家學緊中班。
雖然我識蛙式同埋自由式，但總有一啲未知嘅領域，其中一樣係蝶式。豚豚的精神激勵我學游水，於是乎就膽粗粗咁報咗康文署嘅蝶泳班，始終時間和學費比較啱我。導師呢？睇彩數啦。
以前泳班一般學自由式，好少中心泳班分蛙式和自由式。我睇奧運先至知道仲有背泳同蝶式，不過好少地方有得學，而且游水只限夏天啫。
游蝶式真係好有型，不過真係好難好難好難好難㗎，開課無耐我中咗COVID……