幾時開始做gym？應該係讀緊大專嗰陣時，有唔使錢嘅健身課程，所以就去join咗學course就可以唔使錢去做gym啦。
畢咗業之後嗰間gym房冇得再用啦，所以就要去搵一啲嘅地方繼續做gym，嗰陣有嗰啲好多硬食捆綁式消費嘅中心，而我就選擇咗最難入嘅gym 房，就係康文署啦。
計過條數，我一個禮拜頂盡都係做一至兩次，如果每次都係十零廿蚊嘅話就合理，總之想做先俾錢入去做啦。
依家嘅連鎖式嘅gym房機又多，設備又新，仲要開廿四小時，的確好方便。不過都係成本問題，比足一年錢，先至可以勉強拉到平均$50一次。不如搵吓其他辦法，令自己健康之餘，荷包都冇咁緊。
譬如跑步，游水，真係要做gym，點解會落雨都可以喺附近公園嘅健身站做嘅，或者買條健身帶，綁喺啲柱度做運動，又或者將七至八個動作串連成一組HIIT。只要平均發展就得㗎啦。