知道十一月有渡海泳比賽，橫掂最近游多咗水，又未玩過，咪貪得意報咗名。水試諗住游蛙式為主，不過擔心喺維港游蛙式比大浪玩，所以繼續上康文署嘅泳班，改善吓自由式。
練習自由式好似練琴咁，將所有動作分解，練踢腳，然後練撥水，然後把所有部分自自然合自為一。多年嚟我好少游自由式，次次游完半個塘Chur晒氣。教練建議我試吓調整撥水嘅節奏，踢腳速度照舊，即刻有效果。而家練踢腳有難度，以前細個學就好用，依家我下身重，踢得好慢。
終於到水試日，九點未到已經有幾十人排隊等。嚟自五湖四海，個個比我後生。聽說玩比賽嘅選手都係游自由式，不過見到現場有一半人游蛙式，嗰心都定番晒。線道最多有十位選手一齊游，讓計時員示意就開始游，頭三輪熱身睇吓形勢，跟住速度差唔多嘅選手游，佢爬頭就一齊爬頭。
最終輕輕鬆鬆水試合格，應該喺上堂嗰陣連環游自由式，練出嚟嘅成果。不過抽中名額先有下集，祈求一切順利。
