成個復活節長假，做得最多嘅係望天打卦。
報咗名參加首天掘復活蛋，翌日去鯉魚門公園宿營。報名嗰陣，誰都知道天氣唔好就會取消，而宿營則取決會否掛黑雨（四月機會好低嘅）。
結果掘得成蛋，無得玩繩網。
攞巨蛋表面好似好開心咁，但係對我嚟講，嗰啲禮物對細路唔算太有用，除咗玩具超級市場禮券之外。就俾豚豚試吓喺幾百個唔識得嘅細路仔面前，做佢要做嘅嘢。
好好彩呢組嘅細路哥幾斯文，冇爭先恐後，冇偷步掘蛋，夠鐘會乖乖離場，不過大家唔肯落力掘深啲。係嘅，掘深啲咗唔一定搵到蛋，行吓行吓執到地下嘅蛋反而更好。最終豚豚搵到10幾隻蛋，每隻蛋換一份食物，其中包括即食麵、軟糖，以及1公升牛奶。
下雨天康文署營舍仍開放，所以最終如期出發的。我哋曾經落雨天去日營，當時營裡有特備玩水節目，不過玩咗一陣因為落大雨，最後去咗康樂室玩。依家我哋重溫舊夢，同時祈求第二日起身可以玩繩網。結果天氣仲要差，因此只能照舊在室內玩樂，好耐冇玩過康樂棋同埋射箭（射晒中間噃），豚豚仲唔覺學會玩Rummikub。轉眼間好快夠鐘離營，大家冒雨回到市區搵食，然後歸家睡飽去。